Please Remember Me  

Posted by Hriatpuia Pa

Grammy Award 3, Academy of Country Music awards 11, Country Music Association awards 11, American Music Awards 9 leh People's Choice award 3 a lak thute hi he hla ka hriat hnua ka hriat ve chauh a ni a. Faith Hill hi ka hre ve bawk a, Tim McGraw-a nupui a ni tih pawh ka lo hre hma lem lo leh bawk a! 2007 te khan 'Soul2Soul Tour' te an lo nei daih tawh tihte phei chu he thu ziah ka tum avang hian ka hre ve hnuhnawh chauh!


He hla hian lung a kuai hle a. A 'Please' lai hian a ngen bik riauvin ka hre thin. A thawnthu tur awmte ka ngaihtuah a, a zaithiamna phenah leh he hla thluk leh thu nalh phenah hian thawnthu ngaihnawm tak a awmin ka ring tlat mai! Khaw'nge, i'n khawih chingpen chiam teh ang!!

When all our tears have reached the sea
Part of you will live in me
Way down deep inside my heart
The days keep coming without fail
A new wind is gonna find your sail
That’s where your journey starts

'When all our tears have reached the sea,' tih atangin a intan tawp mai a. A hma lamah an lo tap nasa hle ni tur a ni. An mittui tla zawng zawng pawh a kiang tawh a, tuipui lian takah thlengin, ram hla takah a luang bo daih tawh. Chuti chung chuan he hla phuahtu hian a hmangaih mihringa hlutna leh duhawmna them engemaw chu a la kai tlat a. A pang khawimaw laia kai mai a ni lova, a thinlung chhungrilah a bet tlat a, a paihbo thei lo a ni ang.

Nite chu a ngai tein, bahlah awm miah lovin a chhuak a, a tla leh thin a. Mahse chu ni lo chhuak chuan a hmangaihna thamral tawh hnu chu a herchhuahpui lova. A hmangaih chuan chhemdamthli tharlam dawngin, khawvel dangah a chensan daih tawh si a ni!

A phuahtu hian eng vanga lo tap nasa hle tawh nge an nih hi a sawi chiang si lova, rinthua sawi mai loh chu tih theih a vang khawp mai. Engpawhnise, he hlaa mi pahnih hi hun engemaw lai chuan hlim takin an lengdun tawh a ni ngei anga. Chumi hnuah chuan an hlimna zawng zawng tichhe vek thei thil a lo thleng a ni maithei, a thu bul intan danah hian. An inhmangaih tawh thin a ni ngei ang.

You'll find better love
Strong as it ever was
Deep as the river runs
Warm as the morning sun
Please remember me

A tan chuan tih theih a tlem tawh em em a. 'Hmangaihna ka ngen a ni..' han tih ve mai pawh kha a rem tawh chiah lo a ni ngei ang, 'Hmangaihna ropui leh tha zawk i hmu ang, chutih lai pawh chuan, khawngaih takin, khawngaih takin, min hre reng rawh aw??' tiin a ngen a ni.

A hmangaihna aia hmangaihna tluantling zawk a hmu tawh tih a hria a. Chu a hmangaih hmangaihna hmuh chu hmangaihna dang ang bawka nasa, tuifinriat aia thuk, thlasik zing ni chhuak lum ham ham aia lum nuam zawk a ni ang tih pawh a hria a, a ngaihtuah a, a suangtuah a. Chuti chung chung chuan a hmangaih chuan hre ve reng se a duh si! A khawlh a ni!!

Just like the waves down by the shore
Were gonna keep on coming back for more
‘cause we dont ever wanna stop
Out in this brave new world you seek
Oh the valleys and the peaks
And I can see you on the top

Tuifinriata tui fawn chu vaukam lamah a lo fawn phei nghulh nghulh a, a theih anga tam vaukama vut leh thildangte a hnukkhawm a, tuifinriat lai lamah a hnuk lut thin a. Mahse chu tuifawn chuan 'ka la teuh tawh a, ka duhtawk tawh teh ang,' ti lovin, a ngai tein a rawn fawn phei leh a, a ngai bawkin a rawn thawk leh thin. He khawvela cheng mihringte hi duhdamna leh duhthawhnaa khat kan ni a, Duhtawk chin reng kan nei lo.

He khawvel hrang zet karah hian a thinlai lalnu chuan ram tha lehzual chakin ramthar a zuansan a ni ngei ang. Chu a ram zuanah chuan a hlawhtling hle ni tur a ni, tlang chunga a awm pawh a hmu thei tlat mai!

Remember me when you're out walkin
When the snow falls high outside your door
Late at night when youre not sleepin
And moonlight falls across your floor
When I cant hurt you anymore

A mak ngawt mai - hmangaihna hi! A hmangaih chuan a hmangaih ve tawh lo ni ngei tur a ni a. A nih loh pawhin a hmangaih hian a hmangaihna a hnawl nghal hrim hrim pawh a ni ta ve ang. Chuti chung chuan he hla neitu hian a hriatrengna a ngen char char a. A thil ngen hi a tam lem lo niin a lang a, mahse han ngaihtuah chian chet chet erawh chuan a thil ngen tluka thil harsa hi a tam leh si lovang. Hmangaihte pawh ni lo han hriat reng mai chu thil awlsam a ni lova. 'Min lo hrechhuak ve zeuh zeuh dawn nia,' tih pawh ni lo, 'Min hre reng rawh,' han tih tawl mai chu - a hahthlak a ni!

Pawn boruak thiang dawnga a chhuah hunah te, vur nasa taka a tlak avanga a pawn chhuah theih loh hunahte pawh hre reng se a duh a. Zanah muhil thei lova a ngaihtuahna a kawm melh melh laite leh, chhawrthlapui engin an tukverh parda zar pan te en tlanga, a khum bul chhuat a rawn en raih changte pawhin hrechhuak se a duh tlat a, a ngen ngawl ngei mai!!

He hla phuahtu leh a phuah chhan hi an inngaizawng tawh a, an inban leh tawh a ni thei ang em? A bialnu/bialpa hian ram hla takah a kalsan nge, ram hla tak ni lo, midang lakah a rilru a peksan ta ni zawk ang? Hmangaihtu tan chuan ni tina a biak leh a hmuh pawh nise, a thinlung kawngkhar a hawn loh chuan 'hla tak' a ni ve thei tho em? He hla hian ka ngaihtuahna a kalthuitir ngawt mai!

Mizovin hla nalh kan neih tam ber hi ngaihtuah zui ngai lem lo, nalh ve tawp a ni deuh ber a, he hla hi chuan ngaihtuah a ti tam a ni!!

18 comments

He hla hi chu a nalh khirh taih.

Kan hla nalh tih zawng a inang a va nih hmel em hotupa! A sawhbawl nena i rawn chhawp chhuak phei hi chuan a hlutna a tizualin ngaihtuahna a chawk tho takzet mai...

Nice and touching song. But if you think the other way round, here's how it is-

Should anyone ever leaves me, I bet I'll never ask her to remember me. The whole point is - for your ex-partner to have a great life with her/his new partner, she or he must forget you or at least get you out of her/his mind.

Will you want your girlfriend to never forget her ex-boyfriend? I don't think so! The sooner they forget, the better :)

He hla hi chu a nalh piahlamah i rawn sawi dan takah a ril ani. Nileng a ngaihthlak pawha i nin theihloh kha a ni miau a!!

Hamleta thukhawchang min hriatchhuahtir e a... a pa thlarau-in Min han hre reng ang che a tih a chhanna kha "Min hre reng rawh a ti maw... ka thawk tawp thleng pawhin ka hre reng ang che" a tih kha maw...

A ngentu-in a ngenngawl viau a, chhanna awm tak mawle..!!!???

@codeAries: Mmmm, mmmmm tiraw??

@faka: Hotupa, a ni ngei ang. Eng pawh nise, ka hla nalh tihho rawn ziah chhoh zel ka tum ve deuh a, kan nalh tih a inang zel turah ngai ila.. A sawhbawl lam lam chu - i ti zahthlak lek lek mai!!!

@Naupang^Fel: One- Your blogger ID perfectly fit the 'Dave' I know.
two - You may be absolutely right by saying those things. Yeah, if you look and think around the other way, it should be like that.
three - I am no body (no body herein, means no body) to think the other way round rather than to follow the song while listening to this song on the one hand and, it may also be most appropriate to ask to be remembered to someone who was so special to you as well.
four - Please do leave your comment in Mizo next time :P
five- many thanks for dropping by.

@Gemini: I ti lutuk deuh em? Nileng leng chuan ka ngaithla em ni? Ka ziah dawn lai vel kha chuan ngaihthlak nasat a ngai ve a lawm..:D

@Varte: Hotunu,Hamlet-a te lam lam i lo hriatchhuah phah elo maw? Ni e, Hamlet-a kha chuan a hre reng a, phuba a lak phah tak hial kha! A ngentu hian a ngenngawl viau maia, a ngena chhanna hi a hriat ta si loh a nih hi! Chuvang alo'm a khawlh em em ka'n tih...

Ka inhnial pui hrep dawn che maw ni chu le :)

I ziah dan ah hi chuan...bialnu hlui te hriat reng nih kha chu thil hlu tak ni awm a nia. mahse an bialpa thar te an khawngaihthlak awm a lom. ka ti ve tlats hehe

@Naupang^Fel: Zahngai, zahngai... Pu David... inhnial ralah chuan ka cho lo che. He hla avang hian ka thian pakhat nen kan inhnial hrep tawh.

Dik tak chuan hla phuahtute hian an sawi chiang thin lova. A phuahtu lote hian kan duh dan danin kan lo pawtfan ve mai thin a, mahni ngaihdan dana sawi tawh mai loh chuan, anni'n an sawifiah tawh thin si lova.. Engpawh nise, i sawi hi a dik khawp mai. Inhre reng tura han inngen chu, fair pawh a fair chiah lo alo'm

Faith Hill hi chu ka ngaithla nasa ve a, mahse a pasal Tim McGraw a hi kalo ngaihsak vak ngai lova. Hei a hla i rawn chhawpchhuah hi ka download nghal a, ngaihthlak alo nuam fu mai...i zarah :P

@Jinx: Nia, kei pawh, ka lo ngaithla ngai lova. Thianpa pakhatin min kawhhmuh a ni..hla nalh kan hrut chho zel dawn nia.. hehe! inti profe' viau lo maw?? :))

You r the best..tunlai chu Mizo blog zingah i thil post chhiar hi nuam ka ti deuh ber mai zu nia..:) Ngaihnawm lutuk tlat.

hepa ang hian aww han ziak ve thiam ka va han chak em ..zawng-hmaisen-pa ..lol .. chatthla lai ber kher chu aaaaa

A ngaihnawm leh dap dap pek hle mai hotupa, keipawh hetiang deuh ralh music hian ka beng zu fah ber a. Eng Music pawh hi nalh tih ka nei vek a, ka ngaithla thei deuh vek nachungin country music hian ngaihthlak ngun a hlawh ber a, a ninawm loh rei berin ka hre thin.

Faith Hill chu ka duh thin khawp a sin keipawh hian.

@Epis: Thank you. I ti zahthlak lek lek mai!! Ka lawm takzet e.

@Nail: Hehe, vel zet che hian!! Chatthla lai a ni hlei ne'm. Kanhmun, zing khawvar tawh hnu a ni e..

@Puia: Chut maw, Hotupa? Ka lawm e. He mite nupa hi chu an aw a nalh ngawt mai.. Country music chu ngaithla ve tak ka ni, kei pawh.

He hla hi chu a na tawp. Ka duh tawpsss! I chhut ril hle mai heti em em chuan ka lo ngaihtuah thui pui ngai lo a. Kan ngaithla nghal bawk ang e :)

He hla hi chu kei pawhin ka duh ngawt mai.... Arron Neville & Linda Ronstadt sak pawh, Tim Mc Graw sak pawh nise, ka duh a ni mai... LOL..
NICE Blog.. ka rawn lum lut ve hlawl ninhlei thil thuah

analh toh sa nak laiin inti belh chhah zual em ni o te kan ti,analh in akhirh em bok ani.

Nia,a nalh khop mai he hla kher kher hi chu

Post a Comment

Facebook

Keimah

Visitor Since Feb 09

Khawi lam atangin nge?

online

Followers

Lairil

Mihring ngaihtuahna LAIRIL hi mihringin duhnate, awhna te, hlauhna te, thlamuanna te, hlimna te, lawmna te, lungngaihna te, thinrimna te, chapona te, duhamna te, itsikna te, mahni hmasialna te, hmangaihna te, duhsakna te, engkim mai; mihringa mihrinna siamtu leh neitu a nih avangin a va pawimawh tehlul em!

Nuihtirtu che kha I thinlung a ni a. I tah theihna te, thil mawi leh mawi lo i thliar thiamna te pawh kha thildang a ni chuang lova; khaw lum leh khaw vawt, hlauhawm leh muanawm, hrehawm leh nuam I thliar hran theihna pawh chuti tho.

A chang chuan kan hmuh leh hriat ngeite pawh hi dawt te, a lem te a lo ni thei a! He thinlungin a ngaihtuah hi a lem a ni thei ang em le? Mitin a hmuh a, bengin a hriat avanga duhna leh thinlung LAIRILin a duhna hi a inzawm ang em le? A hrang ni ta se khawii chu nge dik zawk ang? Khawii chu nge tha zawk a, tlo zawk ang aw?

Kan mita kan hmuh leh benga kan hriat te, rilrua kan ngaihtuahna te zinga a tam zawk hi he kan mihrin chhung hian kan theihnghilh leh thin em? Kan theihnghilh tawhte hi kan hrechhuak leh thin em? Thinlung hi bum hmang, chhe lailet der em ni? (Bible – Jeremia 17:9)

Recent Comments

Grab This Widget

Twitter Updates

    follow me on Twitter