Aw, Vaia, Vaia!!  

Posted by Hriatpuia Pa

I sakhmelah dar zam mawlh lo,
Pial thin thenin i sam i khuih;
Nam rem tel lah i ban phal lo,
Dawih hmel puin mi tin i nuih!

Si lo hian e, i dawih si lo,
Khu-ah, saw-ah - i lo kalna!
'Ka u, Eng a?' i thiam zeng lo;
A kham chuang lo, i lo kalna!!

A mak ngei e i sakhming chu!
'Belal ni hi,' i ti a mak!
Hming pum hriat loh, tawng thiam lo chu;
Duh duh thawk si - leh zual a mak!!

'Sang sing ka thawn,' i ti - i chun kiangah!
Vaia, Aw, Vaia, Vaingalsin-a leh!!

12 comments

rin loh lam daiha i keuh thluk leh si!!!!

va thiam ve BHAIYA

reh rei ve le ka nau Zaite

vawikhata chhiarnaah ka hrethiam mai loh chu le! Nice!

@Varte- Nia, leh daih si a nih hi!!

@Toi: Haha! Thu leh hla ka zirtir thiam theih loh tan chuan a harsa ngawt ang - zir tham a ni ang.. lolzzzzz

@Ku Zohmingte: Nia, ka reh chuan i reh ve chawpchilh zel. Mail te min rawn thawn che..kolasib dot com pawh i tlawh ngai ta lo...

@Seki: lolzz.. engtia han hrethiam lo nge maw i nih le!???

E khai hotupa, i va han rem rhyme nalh rem rem ve! He hla phuah tur hian Kolasib vai tu emaw chuan a inspire che a ni chiang mai:)

Ka tlawh zantin K.com kha ka coment lo mai zawk .Ka user name khan ka login theih loh vangin..
Tin rawn up date thin nise.

Ka rin loh lam zuk ni daih a. Mahse, a tha tho e,

Vai ngal hi a sin vek kher em le? Sang sing an thawn theih chuan, kan Mizo tlangval te pawh hian tih theih ve awm tak ania!

Faka - E khai! Va reh ve le!! Mizo tawng hi rem rhyme luih a ngai - a nalh lo duh em em lehnghal!! Nia, Kolasib vai te, Aizawl vai-te pawh a ni... :)

Elysian: Hehe, engnge i rin lam ni ang aw!??

Maisek: Vai hi an ngal a sin vek lo tih chu zawh ngai lova lang a ni. Mahse Mizote hian 'Vai ngal sin' tih tawngkam hi kan neih vanga hetah hian hmang mai ka ni e.

Nia, keini aia mawl, keini aia lu buk zawk hian kan ram pawisa hi an ramah an thawn reng mai!

Vai ngal hi a sin vek kher.

Post a Comment

Facebook

Keimah

Visitor Since Feb 09

Khawi lam atangin nge?

online

Followers

Lairil

Mihring ngaihtuahna LAIRIL hi mihringin duhnate, awhna te, hlauhna te, thlamuanna te, hlimna te, lawmna te, lungngaihna te, thinrimna te, chapona te, duhamna te, itsikna te, mahni hmasialna te, hmangaihna te, duhsakna te, engkim mai; mihringa mihrinna siamtu leh neitu a nih avangin a va pawimawh tehlul em!

Nuihtirtu che kha I thinlung a ni a. I tah theihna te, thil mawi leh mawi lo i thliar thiamna te pawh kha thildang a ni chuang lova; khaw lum leh khaw vawt, hlauhawm leh muanawm, hrehawm leh nuam I thliar hran theihna pawh chuti tho.

A chang chuan kan hmuh leh hriat ngeite pawh hi dawt te, a lem te a lo ni thei a! He thinlungin a ngaihtuah hi a lem a ni thei ang em le? Mitin a hmuh a, bengin a hriat avanga duhna leh thinlung LAIRILin a duhna hi a inzawm ang em le? A hrang ni ta se khawii chu nge dik zawk ang? Khawii chu nge tha zawk a, tlo zawk ang aw?

Kan mita kan hmuh leh benga kan hriat te, rilrua kan ngaihtuahna te zinga a tam zawk hi he kan mihrin chhung hian kan theihnghilh leh thin em? Kan theihnghilh tawhte hi kan hrechhuak leh thin em? Thinlung hi bum hmang, chhe lailet der em ni? (Bible – Jeremia 17:9)

Recent Comments

Grab This Widget

Twitter Updates

    follow me on Twitter