Serlui Thlalak  

Posted by Hriatpuia Pa

Serlui hnaih tak khuaah ka awm a, mahse Serlui thlalak hi ka la post ve miah lo. March thla daih tawh khan ka zuk tlawh ve a, Camera tha lem lo hmanga ka thlalak thenkhat ka'n vawm bei ve ang e. Ruah a sur nasat leh tawh avangin tunah hi chuan tui chim chin hi a dang tawh ngei ang.

Tuikhuah - a lian/zau lai

Hei pawh, tuikhuah lai tho.

Tuikhuah lai tho - a sir vei lam atanga lak

Tui khuap tura chhun pawn. Tui chim chin leh a tlang chung lam inkara chhawrdawh lang riak khi chiang takin lo en teh.

Hei hi tuiin a chunga kan sawi tak chhawrdawh a chim thlen huna a luan liamna tur - Spillway an tih chu a ni.

Tuikhuahna tura lei chhun pawn chung zawl hi motor lian kal theiha siam a ni.

A chunga mi tho, a lehlam atanga lak a ni thung.

Tui khuahna tura tlang chhun pawn thlang lam. Power house te dah a ni a, step thui tak kalin a thlen thlak theih.

Lei chhun pawn thlang lamm, step chanve thlen hma deuh atanga lak.

Tlai ni tla tur - Camera tha lo chuan a mawi har ngei mai!!

12 comments

benjamin rualthanzauva   says June 17, 2010 at 11:34 PM

"Tlai ni tla tur - Camera tha lo chuan a mawi har ngei mai!!"

I camera ah manual mode a awm em?
10K hnuaiah pawh Manual mode awm chu a a awm nual. Eg: ka tha hlui A590 IS 9K man.

Manual in exposure adjust deuh la, nalh deuhin a lang mai ang :-)

A nih loh chuan preset mode a awm em? Sunset scene ah dah la, a zia leh deuh ang.

kka   says June 17, 2010 at 11:37 PM

Nikum hmasa lam khan MJA Lunglei te chuan an tlawh tawh ngei mai. Mahse, engemaw vangin ka tel ve leh tlat lo. Mahse, thlalak kimchang tak en tur i rawn posh hi a lawmawm khawp mai. Serlui B. Hydel Project hian Tunah 8 or 12MW vel em ni a pek chhuak theih tak kha aw? 20MW pechhuak thei tura duan a ni lawm ni? 20MW pechhuak thei tura hman theih vek tawh nise chuan Mizoram mamawh tam tak, hei hian power lamah a phuhruk ngei ang mawle..........

sawmpuia   says June 18, 2010 at 1:02 AM

A hmun nawm vel ka en ai mahin Hydel vel rilru-ah a lo lang lian zawk. Kan ram hian engtikah tak intodelh ang i maw?

Anonymous   says June 18, 2010 at 2:50 AM

A mawiin a hmuhnawm khawp e. Kolsaib Hmarveng Thlanmual atang leh Thingdawl chhak atang bakin ka la hmu lo va, a mawi khawp mai.

hmingtea   says June 18, 2010 at 3:12 AM

Inhleuhkai siak a van han chakawm ve le.
Atui chimsan lai ber khan han sah thut mai ilang Bagha leh Dholai vaichheho an buai phili teh ang chu hahahahah
Hmuhnawm ve khawp mai.

luliana   says June 18, 2010 at 10:27 AM

Ka rin ai daihin a pui...

Sekibuhchhuak   says June 18, 2010 at 1:03 PM

An lo van khuap nasa tak ve! A tha e hetiang lam hi kan sorkar hian uar rawh se.

Malsawmi Jacob   says June 20, 2010 at 2:14 PM

Zoram mamawh phuhruk tu ropui tak ni mawlh rawh se!

Varte   says June 21, 2010 at 12:15 AM

Camera that leh that loh a pawimawh ber lo, i thla lak hi alawm pawimawh ber chu :D

TPA   says June 23, 2010 at 2:01 AM

A hmuhnawmin thlir a nuam hlawm hle mai. Rinaiin a pui daih leh nghal. Thanks..

duhawma   says August 13, 2010 at 2:49 AM

Serlui project hi kala hmu ve miah lova, rin aiin (kalo ring nep lutuk emaw ni!!) a lo pui a nih hi.

Tluanga   says September 30, 2010 at 8:30 AM

Han khuap zel teh se, Zoram kawlpetha intodelh hun a va nghahlelh awm dawn em?

Post a Comment

Newer Post Older Post

Facebook

Keimah

My photo
Kolasib, Mizoram, India

Visitor Since Feb 09

Khawi lam atangin nge?

online

Followers

Lairil

Mihring ngaihtuahna LAIRIL hi mihringin duhnate, awhna te, hlauhna te, thlamuanna te, hlimna te, lawmna te, lungngaihna te, thinrimna te, chapona te, duhamna te, itsikna te, mahni hmasialna te, hmangaihna te, duhsakna te, engkim mai; mihringa mihrinna siamtu leh neitu a nih avangin a va pawimawh tehlul em!

Nuihtirtu che kha I thinlung a ni a. I tah theihna te, thil mawi leh mawi lo i thliar thiamna te pawh kha thildang a ni chuang lova; khaw lum leh khaw vawt, hlauhawm leh muanawm, hrehawm leh nuam I thliar hran theihna pawh chuti tho.

A chang chuan kan hmuh leh hriat ngeite pawh hi dawt te, a lem te a lo ni thei a! He thinlungin a ngaihtuah hi a lem a ni thei ang em le? Mitin a hmuh a, bengin a hriat avanga duhna leh thinlung LAIRILin a duhna hi a inzawm ang em le? A hrang ni ta se khawii chu nge dik zawk ang? Khawii chu nge tha zawk a, tlo zawk ang aw?

Kan mita kan hmuh leh benga kan hriat te, rilrua kan ngaihtuahna te zinga a tam zawk hi he kan mihrin chhung hian kan theihnghilh leh thin em? Kan theihnghilh tawhte hi kan hrechhuak leh thin em? Thinlung hi bum hmang, chhe lailet der em ni? (Bible – Jeremia 17:9)

Recent Comments

↑ Grab This Widget

Twitter Updates

    follow me on Twitter